Greg Bear (20 d'agostu de 1951, San Diego – 19 de payares de 2022) foi un escritor de ciencia ficción. Yera xenru d'otru famosu autor de ciencia ficción, Poul Anderson.
Bear foi un destacáu autor de los que marcó l'estilu na década de los 80. Ye conocíu por ser una de les "trés B" de la ciencia ficción (xunto a Gregory Benford y David Brin). La so obra atropó numberosos premios, como'l premiu Nébula en 1994 por Moving Mars y nel añu 2000 por La radio de Darwin, y tantu l'Hugo como'l Nébula por Música nel Sangre, en 1984.
Les noveles de Bear suelen tener un desenvolvimientu bien similar: tres sucesos aparentemente desconectaos asoceden en llugares distantes del mundu y son la señal d'alarma d'un procesu que xeneralmente acaba camudando a la humanidá, destruyéndola, o dambes coses; y facer siempres dende una perspeutiva de ciencia ficción dura, tratando d'usar argumentos científicos encontaos y detallaos como base principal de les trames.
Ye amás especialista en bioquímica-ficción y munches de les sos noveles contienen avanzaos y rigorosos planteamientos hipotéticos sobre xenética.
Amás de les mentaes, otres obres sos de relevancia que podríen destacar son: Queen of Angels (1990), Alt 47 (1997), Fundación y Caos (1998), Vitales (2001), y Los neños de Darwin (2003).